اسرائیل کے حوالے سے پاکستان کی پالیسی واضح ہے، طاہر اشرفی

11 دسمبر ، 2023

اسلام آباد(نمائندہ جنگ) وزیر اعظم کے نمائندہ خصوصی و چیئرمین پاکستان علمائے کونسل علامہ طاہر اشرفی نے کہا ہے کہ فلسطین کی صورتحال سب کے سامنے ہے اور پاکستان نے فلسطین کے معاملے پر ہر فورم پر آواز اٹھائی ہے، پاکستان کا فلسطین پر موقف اور پالیسی واضح ہے ،سعودی عرب ، یو اے ای اور قطر کے ساتھ معاشی تعلقات کو آگے بڑھائیں گے۔ ان خیالات کا اظہار انہوں نے اتوار کے روز پریس کانفرنس سے خطاب کرتے ہوئے کیا۔ انہوں نے کہا کہ او آئی سی ماضی کے مقابلے میں اتحاد کہیں بہتر ہے ، او آئی سی کے کوششوں سے ہی تیرہ ووٹ ایک طرف ہوئے ہیں ، عارضی جنگ بندی بھی ہوئی وہ بھی اوآئی سی کی کوششوں سے ہوئی۔