پاکستان کے بجائے آسٹریلین ٹیم کی کوچنگ کو ترجیح دونگا،وسیم اکرم

کراچی(اسٹاف رپورٹر)سابق کپتا ن وسیم اکرم کا کہنا ہے کہ پاکستان کرکٹ ٹیم کی کوچنگ کرنے کے بجائے آسٹریلین ٹیم کو ترجیح دیں گے۔آسٹریلین ٹیم کی کوچنگ کو ترجیع دینے کی وجہ میری اہلیہ نہیں بلکہ دباؤ کی کمی ہےجس کی وجہ سے مجھے کوچنگ کی ذمہ داریوں پر توجہ مرکوز کرنے کا بہتر موقع ملے گا۔بھارتی ویب سائٹ کو انٹرویو دیتے ہوئے انہوں نے صحافی کے مختلف سوالوں کا جواب دیا جس میں انہوں نے ایک سوال کے جواب میں کہا کہ انہیں لاہور زیادہ پسند ہے۔ میں نے دونوں لیگز کے لیے کام کیا ہے، دونوں لیگز کا ایک دوسرے سے کوئی موازنہ نہیں ہے۔ آئی پی ایل بہت بڑی لیگ ہے اور اس میں بھی کوئی شک نہیں لیکن پی ایس ایل بھی پاکستان میں بہت بڑی لیگ ہےیہ پاکستان کا منی آئی پی ایل ہے۔