پاراچنار سے پشاور جانے والی کوچ پر فائرنگ، مسافر زخمی

پاراچنار (اے پی پی)صدہ بازار کے قریب پاراچنار سے پشاور جانے والی مسافر کوچ پر مسلح افراد نے فائرنگ کردی، ایک مسافر کی پستول سے جوابی فائرنگ کے بعد حملہ آور فرار اور حملے میں ایک مسافر زخمی ہوگیا ہے،پولیس ذرائع کے مطابق پاراچنار سے پشاور جانے والی مسافر کوچ پر صدی بازار کے قریب بائی پاس روڈ پر مسلح افراد نے فائرنگ کی جس سے ایک مسافر زخمی ہوگیا اور گاڑی کے شیشے ٹوٹ گئے فائرنگ سے کوچ کے ٹائر پنکچر ہونے سے رک گئی اور قریب سے مسافروں کو نشانہ بنانے کیلئے مسلح افراد گاڑی کی طرف بڑھ رہے تھے کہ اس دوران ایک مسافر نے پستول سے فائرنگ کی جس سے مسلح افراد فرار ہوگئے۔