پشاورپریس کلب سالانہ انتخابات ،ارشدعزیزملک دوسری مرتبہ صدر منتخب

پشاور ( جنگ نیوز)پشاور پریس کلب کے سلانہ انتخابات میں یونٹی ڈیمو کریٹک الائنس کاکلین سویپ،تمام عہدے ارشد عزیز پینل نے جیت لئے ۔ صدرات کیلئے ارشد عزیز ملک 402ووٹ حاصل کرنے کے بعد دوسر ی مرتبہ بھاری اکثریت سے پشاور پریس کلب کے صدرمنتخب ہوئے،ان کے مد مقابل عارف حیات کوصرف 57ووٹ ملے، نائب صدرطیب عثمان نے 260جبکہ ناصر داوڑ نے 92ووٹ لئے ،عرفان موسی زئی 373ووٹ لے کر جنرل سیکرٹری منتخب ہوئےان کے مدمقا بل بلال احمد نے 82ووٹ لئے،جائنٹ سیکرٹری کے عہدے پرقاری گل رحمان حقانی 381ووٹ لے کر کامیاب قرار پائےان کے مدمقابل سرمد نے 66ووٹ لئے، فنانس سیکرٹری کی نشست پر رضوان شیخ نے 341ووٹ لئےجبکہ مد مقا بل عبدالبصیر قلندر 106 ووٹ لے سکے۔اسی طرح ارشد عزیز پینل نے گورننگ باڈی کی 10نشستیں بھی جیت لیں جن میں میں ایم ریاض ، احتشام بشیر ارشاد علی مدنی ، امیر معا ویہ ،عمران ایاز ،عمران یوسفزئی ، شہزاد احمد، شاہد آفریدی ، عابد خان اور کلیم قریشی شامل ہیں ۔ادھر سنیئر صحا فی ارشدعزیز ملک نے ان کو دوسری مرتبہ بھاری اکثریت سے صدر منتخب کرنے پر تمام حا میوں کاتہہ دل سے شکریہ ادا کرتے ہوئے امید ظاہر کی کہ ان کی قیادت میں پوری کابینہ اس بار بھی صحا فیوں کی بہتری اور خوشحالی کیلئے جدوجہد جاری رکھے گی۔