ایمان مزاری کی رخصتی کی ویڈیو منظر عام پر آگئی

اسلام آباد (این این آئی)سابق وفاقی وزیر شیریں مزاری کی صاحبزادی اور انسانی حقوق کی کارکن ایمان مزاری کی رخصتی کی ویڈیو وائرل ہوگئی۔ ایمان مزاری دو روز قبل رشتہ ازدواج میں منسلک ہوئی تھیں اور انہوں نے ساتھی وکیل عبدالہادی سے شادی کی ہے ۔ایمان مزاری نے اپنی شادی کی تصاویر سوشل میڈیا اکاؤنٹس پر بھی پوسٹ کی ہیں تاہم اب ان کی رخصتی کی ویڈیو بھی وائرل ہورہی ہے۔ رخصتی کے دن انہوں نے ہلکے رنگ کا عروسی جوڑا پہنا جب کہ دلہا عبدالہادی نے کالے رنگ کا کوٹ زیب تن کیا ۔ ویڈیو میں ایمان مزاری کے گلے ملنے پر ان کی والدہ شیریں مزاری آب دیدہ ہوگئیں۔