الیکشن کمیشن کا PTIکے اقلیتی امیدواروں کی اسکروٹنی کرنے سے انکار

اسلام آباد(آن لائن)الیکشن کمیشن آف پاکستان نے تحریک انصاف کے اقلیتی امیدواروں کی اسکروٹنی کرنے سے انکار کر دیا۔ ذرائع کے مطابق لال چند ملہی اور شنیلا رتھ کے وکلا، تجویز و تائید کنندہ ریٹرننگ افسر کے سامنے پیش ہوئے۔ ریٹرننگ افسر فرید اللہ آفریدی نے تحریک انصاف کے دونوں امیدواروں کی اسکروٹنی سے انکار کردیا ۔ ذرائع کے مطابق ریٹرننگ افسر نے جواب میں موقف اپنایا تحریک انصاف کے انتخابی نشان کا معاملہ پشاور ہائیکورٹ میں ہے، اس کےامیدواروں کی ابھی اسکروٹنی نہیں کی جا سکتی۔ دونوں امیدواروں کے وکلا نے اسکروٹنی کرنے اور پشاور ہائیکورٹ کے فیصلے سے مشروط کرنے کی درخواست کی تھی ۔ ریٹرننگ افسر نے جواب دیا اسکروٹنی کا وقت 13 جنوری تک بڑھا دیا گیا ہے، 13 جنوری کو اسکروٹنی کر لیں گے۔ بلے کے انتخابی نشان کے حوالے سے ہدایات موصول نہیں ہوئی۔ ذرائع کے مطابق لال چند ملہی اور شنیلا رتھ کے وکلا، تجویز و تائید کنندگان بغیر سکروٹنی کرائے واپس لوٹ گئے۔