وزیراطلاعات مرتضیٰ سولنگی کا حریت رہنما پروفیسر نذیر احمد کے انتقال پر اظہار افسوس

اسلام آباد ( نمائندہ خصوصی)نگران وفاقی وزیر اطلاعات مرتضیٰ سولنگی نے سینئر حریت رہنما پروفیسر نذیر احمد شال کے انتقال پر گہرے دکھ اور افسوس کا اظہار کرتے ہوئے کہا کہ پروفیسر نذیر احمد شال کے انتقال کی خبر سن کر دلی افسوس ہوا، مرحوم ایک باہمت نڈر اور مخلص رہنما تھے، ان کے انتقال سے کشمیر ایک عظیم رہنما سے محروم ہو گیا ہے۔ہفتہ کو اپنے تعزیتی بیان میں وزیر اطلاعات نے کہا کہ پروفیسر نذیر احمد شال مقبوضہ کشمیر کے عوام کی ایک مضبوط آواز تھے،پروفیسر نذیر احمد شال کی کشمیری عوام کے ناقابل تنسیخ حق خودارادیت کے حصول کی جدوجہد کیلئے سیاسی اور سفارتی خدمات کو ہمیشہ یاد رکھا جائیگا۔ انہوں نے دعا کی کہ اللہ تعالیٰ مرحوم کے درجات بلند اور لواحقین کو صبر جمیل عطا فرمائے۔