اسلام آباد ائرپورٹ پر مسافروں کیلئے باڈی مساجر سوفا چیئرز متعارف

اسلام آباد ( رپورٹ، حنیف خالد )اسلام آباد انٹرنیشنل ائرپورٹ نے باڈی مساجر سوفا چیئرز متعارف کرادیں۔یہ سہولت ملکی اور بین الاقوامی روانگی لاؤنجز میں دستیاب ہوگی اور دیگر بین الاقوامی ہوائی اڈوں کے برعکس یہ سہولت بلا معاوضہ ملے گی۔ فری مساجر چئیرز کے ساتھ ساتھ مسافر کمپلیمنٹری ٹی سٹال سے بھی مستفید ہوسکیں گے۔ یہ اقدام مسافروں کے لئے اسلام آباد ائرپورٹ پر سفری سہولیات میں اضافہ کا حصہ ہے۔ سول ایوی ایشن اتھارٹی کے مطابق ملکی ائرپورٹس پر مسافروں کے سفر کو مزید آرام دہ بنانے کی کوششیں جاری رہینگی۔