زرتاج گل کے کاغذات نامزدگی میں جمع کرائے گئے اثاثوں کی تفصیلات سامنے آگئیں، کروڑوں کی مالک نکلیں

لاہور (این این آئی)پی ٹی آئی رہنما زرتاج گل کروڑوں کی مالک نکلیں۔زرتاج گل کے کاغذات نامزدگی جمع کرائےگئے،اثاثوں کی تفصیلات منظرعام پر آگئیں حاصل کرلیں۔ دستاویز کے مطابق زرتاج گل کے اثاثوں کی کل مالیت 1کروڑ 20 لاکھ 2ہزار974 ہے۔ دستاویز کے مطابق گزشتہ برس کی نسبت زرتاج گل کے اثاثوں میں 7لاکھ 67ہزار259 روپے کی کمی ہوئی، زرتاج گل کے والد نے انہیں 55تولہ سونا بطور تحفہ دیا۔ دستاویز کے مطابق زرتاج گل کے تین بینکوں میں 42لاکھ سے زائد کی رقم موجود ہے زرتاج گل نے گزشتہ برس 2لاکھ35ہزار سے زائد ٹیکس ادا کیا ، زرتاج گل کے فرنیچر کی مالیت 30ہزار روپے ہے۔ زرتاج گل نے قومی اسمبلی کی مخصوص نشست کیلئے کاغذات نامزدگی جمع کرا رکھے ہیں۔