شیخ رشید اور راشد شفیق کا کاغذات نامزدگی مسترد کرنے کے فیصلے کو چیلنج کرنے کااعلان

اسلام آباد(نامہ نگار خصوصی)این اے 57 سے سابق وزیرداخلہ شیخ رشید،راشد شفیق کے کاغذات نامزدگی مسترد کرنے کے فیصلے کو چیلنج کرنے کااعلان کردیا۔عوامی مسلم لیگ کے سربراہ شیخ رشید کاکہنا ہے کہ زندگی میں کبھی ریسٹ ہاؤس نہیں گیا نہ ہی رہائش اختیار کی۔ایف بی آر میں جمع کرائے گئے غلط گوشواروں کا بھی الزام عائد کیاگیا، ان کاکہنا ہے کہ نااہلی قبول ہے یہ میرے لئے اعزاز ہے مگر مجھ پر 3الزامات لگائے گئے ہیں جو تمام غلط ہیں۔مری ریسٹ ہاؤس کا کرایہ نہ دینے کا الزام غلط لگایا ساری زندگی مری ریسٹ ہاؤس نہیں گیا،ایک گھر چھپانے کا الزام بھی لگایاگیا،ٹیکس سے بچنے کیلئے کم اثاثے ظاہر کرنے کا الزام لگایا ،میں نے کبھی ٹیکس سے بچنے کیلئے کچھ نہیں چھپایا،میرے اثاثے کلیئر ہیں۔