کھاد کی قلت پر قابو پانے کیلئے حکومت جلد اقدامات کریگی ،کرنل (ر)ہاشم ڈوگر

راولپنڈی(سٹاف رپورٹر)کسان کنونشن کے کوآرڈینیٹرکرنل (ر)ہاشم ڈوگرنے کہا کہ ملک بھر میں کسانوں کو کھاد کی قلت کا سامنا ہے کھاد کی قلت پر قابو پانے کیلئے حکومت جلد اقدامات کریگی ،آرمی چیف جنرل عاصم منیر نے کسانوں کے مسائل حل کرنے کی یقین دہانی کروائی ہے۔انہوں نے کہا کہ اووربلنگ کے بھی مسائل ہیں، بجلی تقسیم کار کمپنیوں کی جانب سے اوور بلنگ کی گئی ہے، بجلی کی کمپنیاں کسانوں پر مقدمات درج کروا رہی ہیں،اس وقت ملک میں کھاد پوری ہے لیکن بلیک مارکیٹنگ کی جارہی ہے، کھاد جائز ریٹ پر دی جائے، اس پر سبسڈی کی ضرورت نہیں، پانی، بیج اور ریسرچ کے بھی مسائل ہیں،انہوں نے کہاکہ ملک کی تاریخ میں پہلے دفعہ کسانوں کے مسائل پر چیف آف آرمی سٹاف نے بات کی ہے ہمیں لگتا ہے پہلی دفعہ کسانوں کے مسائل کو ایڈریس کیا گیا ، ان خیالات کا اظہارانہوں نے ہفتہ کو نیشنل پریس کلب اسلام آباد میں کسان اتحاد کے دیگر راہنماؤں کے ہمراہ پریس کانفرنس کرتے ہوئے کیا،اس موقع پر کسان اتحاد کے چیئرمین چوہدری خالد بانٹھ نے کہا کہ گزشتہ روز آرمی چیف نے کسانوں کے مسائل سنے وزیر اعظم اور آرمی چیف نے کسانوں کو بھجوائے گئے بجلی کے بلوں میں اوور بلنگ کو ختم کرنے کا اعلان کرتے ہوئےکسانوں کے ذمہ واجبات کو قسطوں میں ادائیگی کرنے کابھی کہا ، انہوں نے کہا کسانوں کو فصل کی مناسب قیمت دینے کا لائحہ عمل بنائیں گے ، کسان اتحاد کے کوآرڈینیٹر عمیر مسعود نے کہا کہ یوریا کھاد اور بجلی کے بلوں پر پہلی دفعہ کسانوں کے مسائل سنے گئے، بھل صفائی کے نام پر پیسے کھائے گئے۔