کوہاٹ میں موبائل ٹیسٹنگ لیبارٹری کی مدد سے دودھ کی چیکنگ

پشاور(جنگ نیوز) ڈائریکٹر جنرل خیبرپختونخوا فوڈ سیفٹی اینڈ حلال فوڈاتھارٹی شفیع اللہ خان کی خصوصی ہدایت پر حلال فوڈ اتھارٹی ٹیم کوہاٹ کے محمد وقاص فردوس اور وحید داوڑنے لائیو سٹاک ڈیپارٹمنٹ اور فوڈ ڈیپارٹمنٹ کے ہمراہ کو ہاٹ کے مختلف بازاروں میں جدید موبائل ٹیسٹنگ لیبارٹری کی مدد سے دودھ کی چیکنگ کی۔ایک دودھ فروش کوکم فیٹ کی وجہ سے جرمانہ کیا گیا۔اس موقع پر ڈپٹی ڈائریکٹر کا کہنا تھا کہ ٹیم کوہاٹ نے کرک اور ہنگو کی ضلعی ٹیموں کے ساتھ مل کر دودھ کے نمونے لئے جن کے ٹیسٹ کرنے کے بعد مناسب ضروری کاروائی کی جائے گی۔ یاد رہے کہ یہ کاروائیاں پورے خیبر پختونخوا کے عوام کو صاف اور ملاوٹ سے پاک دودھ فراہمی یقینی بنانے کیلئے ایک مربوط مہم کے ذریعے کی جارہی ہیں۔