ملک میں خام تیل اور گیس کی پیداوار میں ہفتہ وار بنیادوں پر اضافہ

اسلام آباد(آئی این پی)ملک میں خام تیل اور گیس کی پیداوار میں ہفتہ وار بنیادوں پر اضافہ ریکارڈ کیا گیاہے،پی پی آئی ایس اور ٹاپ لائن ریسرچ کے اعدادو شمار کے مطابق 23دسمبر کو ختم ہونیوالے ہفتے میں خام تیل کی اوسط یومیہ پیداوار 72360بیرل ریکارڈ کی گئی جو پیوستہ ہفتہ کے مقابلہ میں 2فیصد زیادہ ہے،اعداد وشمار کے مطابق دسمبر کو ختم ہونے والے ہفتے میں ملک میں خام تیل کی اوسط یومیہ پیداوار 71160بیرل ریکارڈ کی گئی تھی ۔ اسی طرح 23دسمبر کو ختم ہونے والے ہفتے میں ملک میں گیس کی اوسط یومیہ پیداوار 3202ایم ایم سی ایف ڈی ریکارڈ کی گئی جو پیوستہ ہفتہ کے مقابلہ میں 2فیصد زیادہ ہے۔16دسمبر کو ختم ہونے والے ہفتے میں ملک میں گیس کی اوسط یومیہ پیداوار 3125ایم ایم سی ایف ڈی ریکارڈ گئی تھی ۔