ایگزیکٹو ڈائریکٹر آئی بی اے کی مدت ملازمت میں توسیع مسترد کرنے کا فیصلہ معطل

کراچی ( محمد منصف ) سندھ ہائی کورٹ نے ایم بی اے کراچی کے ایگزیکٹو ڈائریکٹر ڈاکٹر ایس اکبر زیدی کی مدت ملازمت میں توسیع مسترد کرنے کے خلاف الیکشن کمیشن کا فیصلہ معطل کردیا ہے۔ سنگل بینچ کے سربراہ جسٹس محمود اے خان نے الیکشن کمیشن آف پاکستان ، وزیر اعلیٰ سندھ ، آئی بی اے کراچی اور ڈاکٹر ایس اکبر زیدی سمیت ڈپٹی اٹارنی جنرل اور ایڈووکیٹ جنرل سندھ کو نوٹس جاری کرتے ہوئے 30 جنوری کو طلب کر لیا ہے۔ قبل ازیں درخواست گزار سید ندیم حسین نے موقف اختیار کیا کہ ایم بی اے کراچی کے چیف ایگزیکٹو ڈاکٹر ایس اکبر زیدی کو 4 سال کے لیئے 20 جنوری 2020 میں تعینات کیا تھا جو کہ 12 جنوری کو مدت مکمل ہو رہی ہے، سیکریٹری بورڈ اینڈ ایجوکیشن ڈیپارٹمنٹ نے وزیر اعلیٰ سندھ کو سمری ارسال کی جس میں کہا گیا کہ ڈاکٹر ایس اکبر زیدی کی مدت مکمل ہونے جارہی ہے لہذا ان کی مدت ملازمت میں توسیع کی جائے یا پھر نئے ایگزیکٹو ڈائریکٹر کی تعیناتی کے لیئے عمل شروع کیا جائے جس کے بعد 13 نومبر 2023کو ڈاکٹر ایس اکبر زیدی کی ملازمت میں مزید 4سال کے لیئے الیکشن کمیشن کی منظوری سے مشروط توسیع کر دی۔