دہشت گردی کا خطرہ ،ایف بی آر کے تمام دفاترمیں سیکورٹی سخت

کراچی ( نمائندہ جنگ) دہشت گردی کا خطرہ ،ایف بی آر کے تمام دفاترمیں سیکورٹی سخت کرنے کی ہدایت جار ی کر دی گئیں، ایف بی آر کے سیکریٹری کوآڑڈینیشن کی جانب سے تمام کسٹمز کے چیف کلکٹرز، ان لینڈریونیو کے چیف کمشنرز اور ڈائریکٹوریٹ کو لیٹر بھیجا گیا ہے جس میں بتایا گیا ہے کہ انھیں حکومت کی جانب سے خط میں آگاہ کیا گیا ہے کہ ایف بی آر میں دہشت گردی کا خطرہ ہے اس لیے فوری طور پر اپنے دفاتر کی نگرانی سخت کر دی جائے ، ایف بی آر کی اس ہدایت پر جمعرات کو کسٹمز ہاوس میں کسٹمز ایجنٹس اور امپورٹرز کے داخلے پر پابندی لگادی گئی ،ان لینڈ ریونیو کے دفاتر میں بھی سائلین کو داخلے سے روک دیا گیا