ہسپتالوں کی تمام ضروریات پوری کردیں ، باقی آئندہ اپ گریڈ ہونگے، وزیر اعلیٰ محسن نقوی

لاہور(نمائندہ خصوصی)وزیر اعلیٰ پنجاب محسن نقوی نے برڈ ورڈ روڈ پر محکمہ پرائمری و سیکنڈری ہیلتھ کیئرکا دورہ کیا اور محکمہ صحت کے ایف ایم ریڈیو ”صحت زندگی“ کا افتتاح کیا ،مختلف شعبوں کا معائنہ کیا ،پیغام ریکارڈ کرایا۔وزیراعلیٰ نے کہا ایف ایم ریڈیو ”صحت زندگی“ کی نشریات لاہور میں تقریباً50کلو میٹر کے دائرہ کار میں سنی جا سکیں گی ، مختصر عرصے میں متعدد ہسپتالوں کو اپ گریڈ کیا ہے جبکہ بعض ہسپتالوں کی اپ گریڈیشن تکمیل کے آخری مراحل میں ہے،جو ہسپتال اپ گریڈ نہیں ہوئے وہ اگلے فیز میں کئے جائیں گے ہسپتالوں میں عدم دستیاب سہولتیں مہیا کی ہیں،پرائیویٹ سیکٹر کیساتھ مل کر نئے آپریشن تھیٹرز،ایم آر آئی مشین اور دیگر سہولتوں کا بندوبست کریں گے۔ وزیراعلیٰ نے رات گئے مزار بی بی پاکدامن کو ایمپرس روڈ سے منسلک کرنے والی سڑک کی تعمیر کے پراجیکٹ پر پیش رفت کا جائزہ لیا ، باقی ماندہ سٹرکچر کو جلد از جلد ہٹانے کا حکم دیا۔