کراچی سے متحدہ کو سیٹیں ملنے پر حیرت ہےجائزہ لینگے کیسے ملیں، مراد علی شاہ

12 فروری ، 2024

کراچی(این این آئی)سابق وزیرِ اعلی سندھ اور پاکستان پیپلزپارٹی کے رہنما سیدمراد علی شاہ نے کراچی سے ایم کیو ایم کو ملنے والی سیٹوں پر حیرت کا اظہار کردیا۔ میڈیا سے گفتگو کرتے ہوئے انہوں نے کہا کہ ان کے خیال میں کراچی سے دیگر جماعتوں کو بھی سیٹیں ملنی تھیں، لیکن ایم کیو ایم کو ملنے والی نشستیں سرپرائز ہیں۔انہوں نے کہاکہ ہم جائزہ لیں گے کہ ایم کیو ایم کو اتنی سیٹیں کیسے مل گئیں۔مراد علی شاہ نے کہاکہ ایم کیو ایم رہنما اگر بانی متحدہ کی زبان میں بات کریں گے تو ان سے بات کرنا مشکل ہوجائے گا۔سابق وزیراعلیٰ سندھ نے کہا کہ کراچی کا امن فوج، رینجرز اور پولیس اہلکاروں کی شہادتوں کے بعد حاصل کیا ہے، اس کو خراب ہونے نہیں دیں گے۔