نگراں حکومت نے گزشتہ حکومت کے مقابلے میں کم قرضہ لیا، وزارت خزانہ

اسلام آباد( تنویر ہاشمی ) وزارت خزانہ نے دعویٰ کیا ہے کہ نگران حکومت کے دوران لیے گئے قرضے پی ڈی ایم حکومت کی سابقہ مدت کے دوران لیے گئے قرضوں سے کم رہے ہیں،نگران حکومت نے چھ ماہ میں 30کروڑ ڈالر کے نیٹ بیرونی قرضے لیے جبکہ گزشتہ پی ڈی ایم حکومت نے اس عرصے میں تین ارب ڈالر کے نیٹ بیرونی قرضے لیے ، مجموعی طور پر نگران حکومت نے تین ارب 90 کروڑ ڈالر کے بیرونی قرضے لیے اور تین ارب 60 کروڑ ڈالر کے بیرونی قرضوں کی ادائیگی کی اس طرح نیٹ بیرونی قرضے 30کروڑ ڈالر رہے جبکہ گزشتہ پی ڈی ایم حکومت کے دور میں8ارب 40کروڑ ڈالر کے مجموعی بیرونی قرضے لیے اور پانچ ارب 40 کروڑ ڈالر کی ادائیگی کی اسطرح نیٹ بیرونی قرضے تین ارب ڈالر کے لیے گئے، رپورٹ کے مطابق جون 2023تک بیرونی قرضوں کی مجموعی حکومتی قرضوں میں شرح 38.3فیصد رہی جبکہ دسمبر 2023تک یہ شرح کم ہو کر 36.7فیصد پر آگئی۔