قمر رضی نقوی کی تدفین میں مختلف شعبہ ہائے زندگی کےافراد کی بڑی تعداد میں شرکت

کراچی (نیوز ڈیسک)معروف سماجی شخصیت اور دارالصحت اسپتال کے وائس چیئرمین ڈاکٹر علی فرحان رضی کے والد معروف سماجی شخصیت اور الرضی فاونڈیشن کے چیرمین سید قمر رضی نقوی جو جمعہ کے روز وفات پاگئے تھے ان کی تدفین اورسوئم میں مختلف شعبہ ہائے زندگی سے تعلق رکھنے والے افراد نے شرکت کی ،مرحوم انجمن سادات امروہہ کے صدر ، سادات امروہہ کوآپریٹو ہاوسنگ سوسائٹی اور ابوذرغفاری ہاؤسنگ سوسائٹی بھی رہ چکے ہیں ، گورنر سندھ کامران ٹیسوری اور نامزد وزیر اعلیٰ سید مراد علی شاہ ، میئر کراچی مرتضیٰ وہاب ، سابق وفاقی وزیر ڈاکٹر عاصم حسین ،سینئر صحافی و کالم نگار عرفان صدیقی سمیت بڑی تعداد میں سیاسی و سماجی شخصیات نے ڈاکٹر علی فرحان رضی سے ان کے والد کی وفات پر تعزیت کا اظہار اور ان کی مغفرت کے لیے دعا کی ہے ۔