نوجوانوں کو جدیدسہولیات فراہم کرنے کی ضرورت ہے‘گورنر

28 فروری ، 2024

کوئٹہ (خ ن)گورنر بلوچستان ملک عبدالولی خان کاکڑ نے ہائیر ایجوکیشن کمیشن کے زیر اہتمام بلوچستان پبلک سیکٹر یونیورسٹیز کیلئے "پاکستان ڈیبیٹنگ چیمپئن شپ 2023/24" کے عنوان سے منعقدہ تقریب سے خطاب کرتے ہوئے کہاہے کہ نوجوان کسی بھی معاشرے کا قیمتی سرمایہ ہیںضروری ہے کہ ان کو جدید درس و تدریس دینے کے ساتھ ساتھ اپنی پوشیدہ صلاحیتوں کو ابھارنے اور ان میں نکھار پیدا کرنے کی ضروری سہولیات فراہم کریں بلوچستان کے نوجوان باصلاحیت اور ملنسار ہیں لیکن جدید سہولیات اور مواقعوں کی عدم موجودگی کی وجہ سے وہ پیچھے رہ جاتے ہیں اس موقع پر بیوٹمز کے وائس چانسلر پروفیسر ڈاکٹر خالد حفیظ، ڈائریکٹر جنرل ہائیر ایجوکیشن ڈاکٹر ظہور بازئی کی زندگی کے مختلف شعبوں سے تعلق رکھنے والے افراد بھی شریک تھےگورنر نےاردو اور انگلش کے جیتنے والے مقررین کو مبارکباد دیتے ہوئے کہا کہ تمام تعلیمی اداروں میں طلباءو و طالبات کی ذہنی اور جسمانی نشوونما کیلئے ہم نصابی سرگرمیوں کی اشد ضرورت ہے لہٰذا ضروری ہے کہ ہم تعلیمی اداروں میں تعلیم کے ساتھ کھیلوں کے مواقع بھی فراہم کریںآخر میں گورنر نے منتظمین اور شرکاء میں یادگاری شیلڈز اور اسناد تقسیم کیں۔