فلسطینی بچوں کاپاکستان میں علاج کرانا چاہتے ہیں ،سینٹر مشتاق سینٹ اجلاس کی جھلکیاں

28 فروری ، 2024

اسلام ٓاباد (ناصر چشتی ،ساجد چوہدری)مشاہد حسین سید نے سینٹ مین آج کے دن کی اہمیت کا حوالہ دیتے ہوئے کہا کہ پاکستانی قوم کو آج کا دن منانا چاہیے، مشاہدحسین سید نے کہا کہ ہم نے2019 میں بھارتی جارحیت کا بھر پور جواب دیا اور بھارت کے دو طیارے مار گرائے اور ایک بھارتی پائلٹ کو گرفتار کیا۔انہوں نے کہا میں نے ایک آرٹیکل لکھا تھا جس میں ٹرپل اے کا ذکر تھا جس کا مطلب اللہ،آرٹلری اور ایئر فورس ہے جس نے 1965 میں کامیابیاں حاصل کیں ۔سینٹر مشتاق نے فلسطین کے حالت زار پر تفصیلی روشنی ڈالی اور کہا ہم فلسطینی بچوں کاپاکستان میں علاج کرانا چاہتے ہیں ہمیں حکومت اس سلسلے میں سہولت فراہم کرے۔ سینٹر مشتاق نے کہا کہ امریکہ فلسطینیوں کا قاتل ہے اور مسلم ممالک نے اپنی غیرت کو چار ممالک کو ٹھیکے پر دے دیا ہے۔ اجلاس کی صدارت ڈپٹی چیئرمین ایوب افریدی کر رہے تھے۔ انہوں نے کہا کہ میں عوامی اہمیت کے معاملے پر صرف ایک منٹ بات کرنے کی اجازت دوں گا ۔ مشاہدحسین سید نے کہا کہ آج کا دن ہمیں اپنے افواج پر فخر کرنے کا دن ہے۔سنیٹر فیصل جاوید کی ایوان میں جذباتی تقریر، ٹریژری بنچز سے مداخلت پر وہ غصے میں آ گئے ، لمبی تقریر کرنے پر جب قائم مقام چیئرمین نے ان کا مائیک بند کر دیا تو وہ بغیر مائیک کے ہی بولتے رہے ،سنیٹر منظور کاکڑ نے کہا کہ مینڈیٹ سے باہر نکلا جائےاور ملک کی ترقی کیلئے آگے بڑھا جائے،سنیٹر فیصل جاوید نے کہا کہ 8فروری کو قوم جاگ گئی اس میں شعور آگیا،سنیٹر سعدیہ عباسی نے چیئرمین سینٹ سے کہا کہ پی ٹی آئی کے سنیٹرز اعجاز چوہدری اور شبلی فراز کے پروڈکشن آرڈر جاری کئے جائیں ۔