اوپن مارکیٹ میں ڈالر24پیسے سستا

28 فروری ، 2024

کراچی (نمائندہ جنگ) انٹر بینک میں ڈالر کی قیمت5پیسے تک اور اوپن مارکیٹ میں24پیسے تک کم ہو گئی، یورو کی قیمت میں76پیسے کا اضافہ، پاؤنڈ کی قیمت میں 4 پیسے تک کی کمی، فاریکس ایسوسی ایشن کی جاری کردہ رپورٹ کے مطابق منگل کو روپے کے مقابلے پر انٹر بینک میں ڈالر کی قیمت خرید 279.10روپے پر برقرار رہی لیکن قیمت فروخت 5 پیسے کی کمی سے 279.25 روپے سے کم ہو کر 279.20 روپے ہو گئی۔دوسری جانب اوپن مارکیٹ میں ڈالر کی قیمت خرید 19 پیسے کی کمی سے 279.64 روپے سے کم ہو کر 279.45 روپے اور قیمت فروخت 24 پیسے کی کمی سے 282.28 روپے سے کم ہو کر 282.04 روپے ہو گئی ہے، فاریکس رپورٹ کے مطابق 76 پیسے کے اضافے سے یورو کی قیمت خرید 301.24 روپے سے بڑھ کر 302.00 روپے اور قیمت فروخت 304.04 روپے سے بڑھ کر 304.80 روپے ہو گئی جبکہ برطانوی پاؤنڈ کی قیمت خرید ایک پیسے کے اضافے سے 352.74 روپے سے بڑھ کر 352.75 روپے اور قیمت فروخت 4 پیسے کی کمی سے 356.06 روپے سے کم ہو کر 356.02 روپے ہو گئی۔