پنجاب جاب سنٹرپورٹل پر 3لاکھ افراد ملازمت کے متلاشی

لاہور(خبرنگار) پنجاب بھر میں ضلعی سطح پر ملازمتوں کے حصول کیلئے پی آئی ٹی بی کے لیبر اینڈ ہیومن ریسورس ڈیپارٹمنٹ کے اشتراک سے وضع کردہ آن لائن پلیٹ فارم پنجاب جاب سنٹر پر 3لاکھ افراد بطور ملازمت کے متلاشی اپنی رجسٹریشن کروا چکے ہیں جبکہ 60 ہزار سے زائد افراد بطور کاروباری مالکان رجسٹرڈ ہو چکے ہیں۔ اس حوالے سے چیئرمین پی آئی ٹی بی فیصل یوسف کا کہنا تھا کہ جاب سنٹر پورٹل کا قیام رہنمائی اور روزگار کے حصول کی معاونت میں ایک اہم قدم ہے جس سے آجر بھی مستفید ہو رہے ہیں ۔نجی یا سرکاری شعبے سے تعلق رکھنے والے شہری اور کاروباری مالکان پورٹل پر خود کو آن لائن رجسٹر کرواسکتے ہیں۔امیدوار موبائل فون سے 8900پر اپنا قومی شناختی کارڈ نمبر بھیج کر بھی رجسٹریشن لنک حاصل کرسکتےہیں۔