کاہنہ 5، شاہدرہ ٹائون 3، رائیونڈ 2، ہنجروال میں سوا 2لاکھ کا ڈاکہ

لاہورچوہنگ(کرائم رپورٹر،نامہ نگار )صوبائی میں ڈکیتی و راہزنی کی وارداتوں کے دوران شہریوں کو لاکھوں روپے مالیت کی نقدی و دیگر قیمتی اشیا سے محروم کر دیا گیا ۔ رائیونڈ میں ایک گھنٹے میں 3ڈکیتیاں،ڈاکوئوں نے 3دکانوں سے لاکھوں روپےاور موبائل لوٹ لئے،کاہنہ میں مسلح ڈاکو احمد سے 5لاکھ و فون،شاہدرہ ٹائون میں اشفاق و فیملی سے گن پوائنٹ پر 3 لاکھ روپےو زیورات چھین لیے گئے ،مصری شاہ میں جمیل سے 65ہزار و موبائل،غالب مارکیٹ میں فیضان اور فیملی سے 10ہزار و فون ، مانگا منڈی میں شہریار سے گن پوائنٹ پر 75ہزار و فون ، مصری شاہ میں فخر ملک کی دکان سے 40 ہزار روپے ، مغلپورہ میں انور کی دکان سے 1 لاکھ 20 ہزار ، شفیق آباد میں الماس سے 2 لاکھ 65 ہزار و فون،رائیونڈ سٹی میں فاروق سے 2لاکھ 10 ہزار ، لوئر مال میں شرافت سے 73 ہزار ودیگراشیا، ہنجروال میں سمیر احمد سے 2 لاکھ 30 ہزارروپے اور موبائل فون چھین کر فرار ہو گئے ۔ غالب مارکیٹ، ہربنس پورہ،نولکھا اور ڈیفنس،گلبرگ سے کاریں ،گلشن اقبال،مصری شاہ،فیصل ٹائون،ساندہ اور داتا دربار سے موٹرسائیکلیں چوری ہو گئیں۔