قائد اعظم کے قائم چرچ مشن اسکول میں تتلی گھر کا افتتاح

کراچی( اسٹاف رپورٹر) بانی پاکستان قائد اعظم محمد علی جناح کےقائم چرچ مشن اسکول، جسے سی ایم ایس اسکول بھی کہا جاتا ہے کے احاطے میں تتلی گھر کا افتتاح کیا گیا،اس پروجیکٹ کی سربراہی ایک سماجی اثر کمپنی ایجوکیشن ریسرچ اینڈ دی آرٹس (ERA) نے سندھ حکومت کے STEM ایجوکیشن پروگرام اور اسکول کے تعاون سے کی،ایرا کی پروگرام مینیجر شیرین عبداللہ نے کہا کہ "بٹر فلائی ایفیکٹ" ایک تجرباتی سیکھنے کا اقدام ہے جس میں وہ بچوں کو تتلیوں کو پالنے اور ان کی نشوونما کے بارے میں سکھاتے ہیں، انہوں نے اسکول میں ایک جگہ کا انتخاب کیا، جہاں ایک کنزرویٹری بنائی جائے گی ، "آج ہم نے اس کنزرویٹری کی جگہ کا افتتاح کیا ہے ، ہم اس پروگرام کو یہاں ڈیڑھ ماہ سے چلا رہے ہیں، اور اس دوران ہم نے بچوں کو تربیت دی ہے کہ ہمیں ان تتلیوں کی آبادی پر کیسے کام کرنا چاہیے، انھوں نے مزید کہا کہ پہلے تو تتلیوں کو اسکول میں چھوڑا جاتا تھا، اور ان کا ایک پورا چکر بنایا جاتا تھا، "اس چکر میں انڈے اور کیٹرپلر بھی ہیں، جنہیں بچوں نے اپنے CMS کیمپس سے بچایا۔" انہوں نے بتایا کہ اسکول میں طالب علموں کا ایک گروپ بنایا گیا ہے جس میں لڑکیاں اور لڑکے شامل ہیں اور یہ گروپ انڈوں اور کیٹرپلرز کی دیکھ بھال کر رہا ہے، "جب وہ تتلیاں بن جائیں گی تو انہیں ہوا میں چھوڑ دیا جائے گا، اس طرح ہمارے ہاں فضا میں زیادہ سے زیادہ تتلیاں پیدا ہوں گی، جن کی آبادی نہ صرف پاکستان بلکہ پوری دنیا میں کم ہو رہی ہے، تتلیاں ہمارے ماحول کے لیے ایک بہت اہم کیڑے ہیں، سی ایم ایس اسکول کی پرنسپل ریحانہ چنڑ نے کہا کہ اس پروگرام کا مقصد بچوں کو کر کے سیکھنا ہے، "اس سلسلے میں، ہمارا پہلے سے ہی ایک خواب تھا کہ ہم ماحول کو اس کے ساتھ جوڑیں، اور بچوں کو وہ کام کرائیں جو ہم تھیوری کے ساتھ ساتھ عملی طور پر بھی پڑھا رہے ہیں،" انہوں نے کہا کہ انہیں تتلیوں کا اثر بہت پسند ہے، کیونکہ وہ اسکول میں بچوں کو تتلیوں کے بارے میں کلاس 2سے پڑھاتی رہی ہیں اور اب عملی طور پر بھی، کیونکہ ان کے پاس مناسب ماحول ہے ، ان کا کہنا تھا کہ جس جگہ پر تتلی گھر بنایاجا رہا ہے۔