شہباز شریف ملک کو احسن انداز سے چلائیں گے، عبدالعلیم خان

لاہور (اے پی پی)صدر استحکام پاکستان پارٹی عبدالعلیم خان نے صدر مسلم لیگ( ن) میاں محمد شہباز شریف کو وزیراعظم پاکستان منتخب ہونے پر مبارکباد دی ہے، اتوار کو اپنے ایک بیان میں انہوں نے کہا کہ ملک میں جمہوری تسلسل خوش آئند ہے، مثبت روایات قائم ہوں گی، امید ہے کہ وزیر اعظم میاں محمد شہباز شریف ملک کو احسن انداز سے چلائیں گے اور نئی حکومت عام آدمی کے مسائل میں کمی اور غربت کے خاتمے میں اہم کردار ادا کرے گی۔ عبدالعلیم خان نے مزید کہا کہ استحکام پاکستان پارٹی نے حکومت کی غیر مشروط حمایت کا فیصلہ کیا ہے۔