پاکستانیوں کو خادم مل گیا ،مریم نواز کی شہباز کو وزیر اعظم منتخب ہونے پر مبارکباد

لاہور( این این آئی)وزیر اعلی پنجاب مریم نواز شریف نے مسلم لیگ (ن) کے صدر شہباز شریف کو دوسری مرتبہ وزیراعظم پاکستان منتخب ہونے پر مبارکباد پیش کی اور کہا کہ پاکستانیوں کو خادم مل گیا ، نواز شریف کی سربراہی میں پاکستان میں خدمت کے ایک نئے دور کا آغاز ہوگا ۔ اپنے بیان میں مریم نواز شریف نے کہا کہ پاکستانیوں کو خادم مل گیا،عوام کو بھی مبارکباد پیش کرتی ہوں۔ مریم نواز نے منتخب وزیراعظم شہباز شریف کے لیے نیک خواہشات کا اظہار کرتے ہوئے کہا کہ نواز شریف کی سربراہی میں پاکستان میں خدمت کے ایک نئے دور کا آغاز ہوگا،قوم کے خادم اور نواز شریف کے سپاہی شہباز شریف کا وزیر اعظم منتخب ہونا خوشحالی و ترقی کی نوید لے کر آئے گا ۔ ان کہنا تھا کہ شہباز شریف کی سپیڈ، محنت، کارکردگی اور ایمانداری کی دنیا معترف ہے ۔شہباز شریف کا ماضی گواہ ہے کہ وہ محنت، کارکردگی اور میرٹ پر یقین رکھتے ہیں ،وزیر اعظم پاکستان کے عہدے پر شہباز شریف کا انتخاب حقیقی جمہوریت کی فتح ہے۔پاکستان کے معاشی، سماجی اور سیاسی مسائل حل کے لیے شہباز شریف کی قیادت ناگزیر ہے۔