شہباز شریف سب کو ساتھ لیکر چلنے کی صلاحیت رکھتے ہیں، فاروق حیدر

اسلام آباد (این این آئی)سابق وزیراعظم آزادکشمیر راجہ فاروق حیدر نے شہبازشریف کو وزیراعظم پاکستان منتخب ہونے پر مبارکباد دیتے ہوئے کہاہے کہ امید ہے قائد مسلم لیگ ن محمد نوازشریف کی راہنمائی میں شہبازشریف ملک کو پائیدار ترقی کی شاہراہ پر گامزن کریں گے ۔ اپنے بیان میں انہوں نے کہاکہ ملک اس وقت ان گنت مسائل کا شکار ہے۔ شہباز شریف سب کو ساتھ لیکر چلنے کی صلاحیت رکھتے ہیں ۔ امید ہے نومنتخب وزیراعظم طور پر طاقتور پاکستان بنانے میں محمد نوازشریف کے وژن کو عملی جامہ پہنائیں گے ۔ انہوں نے کہاکہ ایک معاشی طورپرمستحکم،مضبوط ترقی یافتہ پاکستان ہی آزادی کشمیر کا ضامن ہوسکتا ہے ۔ راجہ فاروق حیدر خان نے کہاکہ کشمیری قوم کی نیک خواہشات اور دعائیں منتخب وزیراعظم کے ساتھ ہیں۔