لیپہ ریشیاں سڑک کوجلد از جلد بحال کیا جائے، دیوان علی چغتائی

چناری(صباح نیوز)وزیر تعلیم آزاد کشمیر دیوان علی خان چغتائی نے ضلعی انتظامیہ اور محکمہ شاہرات جہلم ویلی کو ہدایات جاری کی ہیں کہ جلد از جلد لیپہ ریشیاں سڑک کو بحال کیا جائے تاکہ لوگوں کی مشکلات کم ہو سکیں۔ انہوں نے کہا لیپہ ویلی میں اشیاء خوردونوش، صحت کی سہولیات اور دیگر روز مرہ اشیاء ضروریات کا جائزہ لیا جائے، وزیر حکومت کی ہدایات پر ڈپٹی کمشنر سید اشفاق گیلانی سڑک بحال کی خود نگرانی کر رہے ہیں ۔محکمہ شاہرات کی ٹیمیں ریشیاں، لیپہ سڑک کو بحال کرنے میں مصروف ہیں ۔اس حوالہ سے ہیوی مشینری سڑک بحالی کے لیے کوشاں ہے، اس موقع پر ترجمان محکمہ شاہرات نے کہا کہ ہماری ٹیمیں چوبیس گھنٹے دائوکھن پر موجود ہیں۔ ریشیاں سے لیپہ ہیوی مشینری کے ذریعے سڑک بحالی کا کام شروع کر دیا گیا ہے۔ ہماری پوری کوشش ہے کہ موسم صاف رہا تو سڑک کو بحال کیا جائے اور فور بائی فور گاڑیوں کیلئے ٹریفک بحال کی جائے۔ موسمی حالات کو مدنظر رکھتے ہوئے سلائیڈنگ ایریاز میں احتیاط سے ہیوی مشینری سے کام لیا جا رہا ہے،انہوں نے کہا کہ لمنیاں سے ریشیاں تک سڑک کو چھوٹی اور بڑی گاڑیوں کیلئے بحال ہے، تاہم لیپہ سڑک پر کام جاری ہے سلائیڈنگ، گلیشیئرز ایریاز میں برف زیادہ ہونے کے باعث ٹائم زیادہ لگ رہا ہے۔ ریشیاں سے لیپہ سڑک بحالی کا کام بروقت شروع کر دیا گیا ہے۔ اگر موسم ٹھیک رہا تو اگلے ایک دو دن تک سڑک کو بحال کر دیا جائے گا۔