تحصیل چکار میں باؤلے کتوں کا حملہ، بچے سمیت دو افراد زخمی

چناری(صباح نیوز)تحصیل چکار میں باؤلے کتوں کے حملے میں ایک بچے سمیت دو افراد زخمی ہو گئے،علاقہ میں شدید خوف وہراس پھیل گیا،عوامی حلقوں نے باولے کتوں کو مارنے کا فوری طور آپریشن شروع کرنے کا مطالبہ کر دیا۔تفصیلات کے مطابق مین بازار چکار میں باولے کتوں کے حملے میں ایک بچے سمیت دو افراد زخمی ہو گئے ہیں،عوامی حلقوں کا کہنا ہے کہ سول انتظامیہ اس اہم نوعیت کے مسئلہ کو سنجیدگی سے لیتے ہوئے باؤلے کتوں کے خاتمہ کیلئے فی الفور عملی اقدامات کرے چکار میں باؤلے کتوں کے کھلم کھلا انسانی جانوں پر حملہ آور ہونے سے شدید ڈر اور خوف پیدا ہو چکا ہے جس سے تاجر برادری اور عام راہگیر شدید تذبذب کا شکار ہیں باؤلے کتوں کے کاٹنے سے اگر کوئی انسانی جان ضائع ہوتی ہے تو ذمہ دار کون ہو گا۔