کشمیریوں کے حقوق کی واپسی کیلئے جدوجہد تیز کی جائے،فاروق عبداللہ

سری نگر(کے پی آئی) مقبوضہ کشمیر کے سابق وزیر اعلی اورجموں و کشمیر میں نیشنل کانفرنس کے صدر فاروق عبداللہ نے کہا ہے کہ ان کی پارٹی کی پالیسی بلا لحاظ مذہب وملت ،علاقہ یاذات لوگوں کے مختلف طبقوں کے درمیان فرق کو ختم کرنا ہے۔ فاروق عبداللہ نے پارٹی کے کئی وفود سے گفتگو کرتے ہوئے جنہوں نے سرینگر میں ان سے ملاقات کی، لوگوں کے غصب شدہ حقوق کی واپسی کے لیے کوششیں تیز کرنے پر زور دیا۔ انہوں نے کہاکہ ہمیں اپنے حقوق کے حصول کیلئے مل کر کام کرنا ہوگا۔ نیشنل کانفرنس کشمیر کی زمین، ملازمتوں اور جمہوری حقوق کے تحفظ کیلئے جدوجہد جاری رکھے گی۔ این سی صدر نے علاقے کی ترقی، خودمختاری اور انفرادی تشخص کے تحفظ کیلئے پارٹی کے وژن کو اجاگر کیا۔