مظفر آباد، ہیڈ کانسٹیبل سید امجد حسین کیلئے سال کے بہترین ملازم کاایوارڈ

مظفرآباد(آئی این پی )انسپکٹر جنرل پولیس آزادکشمیر سہیل حبیب تاجک کی طرف سے بہترین کارکردگی پر سٹی تھانہ پولیس مظفرآباد کے ہیڈ کانسٹیبل سید امجد حسین شاہ کے لیے سال کا بہترین ملازم کاایوارڈ اور 5ہزار روپے نقد انعام،انسپکٹر جنرل پولیس کی طرف سے بہترین کارکردگی کا مظاہرہ کرنے والے چھوٹے پولیس ملازمین کی بھرپور حوصلہ افزائی کی جارہی ہے۔ ہیڈکانسٹیبل سید امجد حسین شاہ نے ایک سال کے عرصہ میں 19 کلو چرس ،384گرام ہیروئن،1 کلاشنکوف ،2 بارہ بور،1 پستول،15 خنجر، 19چاقو،6 موٹر سائیکل برآمد کئے،2 اشتہاری،5مفرور گرفتار کرنے کیساتھ ساتھ 24 مقدمات کی کامیاب تفتیش کی، بہترین کارکردگی کی بنیاد پر ہیڈ کانسٹیبل امجد حسین شاہ کو کلاس ون سرٹیفکیٹ عطا کیا گیا۔