ترقی کا جو سفر 2018 میں رکا تھا دوبارہ شروع کرینگے، مریم اورنگزیب

اسلام آباد ( نیوز ایجنسیاں) مسلم لیگ (ن) کی سیکرٹری اطلاعات مریم اورنگزیب نے کہا ہے کہ شہباز شریف پاکستان کیلئے خوشخبری ہیں، معیشت کو استحکام دینگے،ترقی کا جو سفر 2018 میں رک گیا تھا پھر سے شروع کرینگے۔ ایک بیان میں مریم اورنگزیب نے کہا کہ نوجوانوں کے روزگار، کاروبار اور ترقی کا دور شروع ہوگا۔مریم اورنگزیب نے کہا ہے کہ شہباز شریف نے پاکستان کو ڈیفالٹ سے بچایا، اب معیشت کو استحکام دینگے، پاکستان میں سیاسی و معاشی استحکام آئیگا اور عوام کے مشکل حالات بہتر ہونگے۔ انہوں نے کہا کہ تعلیم، صحت، آئی ٹی، زراعت، صنعت اور نوجوانوں کی ترقی کا سفر شروع ہو رہا ہے، 4 سال بے رحمی سے ملک کے تمام شعبوں کو برباد کیا گیا۔ن لیگ کی رہنما نے کہا کہ 4سال تمام شعبوں کو برباد کیا گیا۔