اپیلوں پر مقررہ وقت پر فیصلے کئے جائیں اسٹیبلشمنٹ ڈویژن کی ہدایت

اسلام آ باد ( نیوز رپورٹر) اسٹیبلشمنٹ ڈویژن نے وفاقی ملازمین کو ہدایت کی ہے کہ سول سرونٹس ( اپیل) رولز1973اور سروس ٹر یبو نل ایکٹ 1973 کے تحت محکمانہ اتھارٹی کے فیصلہ کے خلاف 30دن میں اپیل دائر کرسکتے ہیں ۔ اگر محکمانہ اتھارٹی اس اپیل پر90دن میں فیصلہ نہ کریں تو متاثرہ ملازم فیڈرل سروس ٹر یبونل میں اپیل دائر کرسکتے ہیں ،اگر محکمانہ اتھارٹی فیصلہ کردے تو اس فیصلہ کے خلاف فیڈرل سروس ٹر یبونل میں اپیل 30دن میں دائر کی جا سکتی ہے۔ اسٹیبلشمنٹ ڈویژن نے یہ آفس میمو ر نڈم تمام وزارتوں اور ڈو یژن کو ارسال کر دیا ہے۔ وزارتوں کو ہدایت کی گئی ہے کہ 30دن میں اپیل پر فیصلہ کو یقینی بنا ئیں۔