فراڈ کا مقدمہ ،فواد چوہدری جوڈیشل ریمانڈ پر جیل منتقل

اسلام آباد(جنگ رپورٹر)جوڈیشل مجسٹریٹ ڈاکٹر سہیل تھہیم کی عدالت نے تھانہ آبپارہ میں درج فراڈ کے مقدمہ کے ملزم فواد چوہدری کو جوڈیشل ریمانڈ پر جیل بھجوادیاہے،ہفتہ کے رو زملزم کو بکتر بند گاڑی میں اڈیالہ جیل سے عدالت میں لایا گیا تھا تاہم ملزم کا وکیل عدالت میں پیش نہ ہو سکا دوران سماعت ملزم نے عدالت سے استدعا کی کہ عید سے پہلے کی کوئی تاریخ دیدیں تاکہ عید سے پہلے فیملی سے ملاقات ہو جائے جس پر عدالت نے سماعت 8اپریل تک ملتوی کردی۔