موسمیاتی تبدیلی سے مقابلہ کیلئے جامع و مؤثر لائحہ عمل کی ضرورت ،وزیر اعظم

اسلام آباد ( نیو زرپورٹر)وزیر اعظم نے کہا ہے کہ موسمیاتی تبدیلی ایک انتہائی اہم مسئلہ ہے ، اس کا مقابلہ کرنے کے لیے جامع اور مؤثر لائحہ عمل تشکیل دینے کی ضرورت ہے، انہوں نے یہ بات گذشتہ روزاپنی زیر صدارت وزارت موسمیاتی تبدیلی کے امور کے حوالے سے منعقدہ اجلاس سے خطاب کرتے ہوئے کہی۔اجلاس میں وزیراعظم کو موسمیاتی تبدیلی کے حوالے سے بنائی گئی پالیسیوں اور منصوبوں کی حالیہ پیشرفت کے حوالے سے بریفنگ دی گئی،اس موقع پر وزیر اعظم نے کہا کہ ماحولیاتی تبدیلی زراعت، توانائی، پانی، انفراسٹرکچر اور کئی دیگر شعبوں کے ساتھ منسلک ہے،موسمیاتی تبدیلی سے پیدا ہونے والے مسائل کی نشاندہی اور ان سے نمٹنے کے لیے ایک کمیٹی تشکیل دینے کی ہدایت کی۔