اڈیالہ جیل میں بانی پی ٹی آئی سے ملاقاتوں کیلئے ایس او پیز طے

اسلام آباد(جنگ رپورٹر)اسلام آبادہائیکورٹ میں جمع کرائی گئی ایک رپورٹ میں بتایاگیا ہے عمران خان کی ملاقاتوں کے حوالے سے جیل حکام کے ساتھ ایس او پیز طے کرلیے گئے ہیں،جس پر عمران خان اور جیل سپریڈنٹ کے کے دستخط موجودہیں، رپورٹ کے مطابق جیل میں ملاقاتوں کیلئے عمران خان نے بیرسٹر گوہرعلی خان، شیر افضل مروت اور بیرسٹر عمیر نیازی کو اپنا فوکل پرسن مقرر کردیا ہے ، رپورٹ کے مطابق ملاقاتوں کے لئے ہر فوکل پرسن دو نام دے گا،ہفتہ میں دو روز منگل کو فیملی جبکہ جمعرات کو وکلا ء اورو دیگر کے ساتھ ملاقات ہوا کرے گی، عدالتی حکم پر ملاقات کرنے والوں کا معاملہ عمران خان کی رضا مندی سے مشروط ہو گا، رپورٹ میں جیل حکام کی جانب سے یہ بھی بتایاگیا ہے کہ 26 مارچ کو دس جبکہ 28مارچ کو 18 افراد نے عمران خان کے ساتھ ملاقات کی تھی۔