چین میں لاجسٹکس کی طلب میں بحالی جاری، مجموعی حجم 55.4 ٹریلین یوآن

بیجنگ (اے پی پی):چائنا فیڈریشن آف لاجسٹک اینڈ پرچیزنگ نے رواں سال جنوری سے فروری تک لاجسٹک آپریشن کا ڈیٹا جاری کر دیا ہے۔ چینی میڈ یا کے مطا بق رواں سال سے لاجسٹکس کی طلب میں بحالی جاری ہے، مجموعی طور پر مارکیٹ کے سائز میں توسیع جاری ہے اور لاجسٹکس حجم کے اضافے میں مزید تیزی آئی ہے۔رواں سال جنوری سے فروری تک، چین کا کل سماجی لاجسٹکس کا حجم 55.4 ٹریلین یوآن رہا ہے جس میں سالانہ 5.9 فیصد کا اضافہ ہوا ہے، جس سے ظاہر ہوتا ہے کہ موجودہ لاجسٹک آپریشن میں استحکام اور بحالی جاری ہے اور لاجسٹکس کی طلب کا پیمانہ مسلسل بڑھ رہا ہے۔اس کے علاوہ صنعتی مصنوعات کی لاجسٹکس کی مانگ مستحکم طور پر بحال ہو رہی ہے۔ جنوری سے فروری تک، صنعتی مصنوعات کی لاجسٹکس کے کل حجم میں گزشتہ سال کے مقابلے میں 5.3 فیصد اضافہ ہوا ہے اور بحالی کا مستحکم رجحان برقرار رہا۔ رپورٹ کے مطابق لاجسٹک اسپورٹ کی صلاحیتوں میں مسلسل بہتری کے ساتھ، رواں سال سے لوگوں کی زندگی سے متعلق مصنوعات کی لاجسٹکس طلب میں تیزی آئی ہے۔ گزشتہ سال کی اسی مدت کے مقابلے میں جنوری سے فروری تک، اداروں اور رہائشیوں کے لیے اشیاء کے کل لاجسٹک حجم میں 14.0 فیصد اضافہ ہوا ہے ۔اس کے علاوہ، درآمدی لاجسٹکس بھی تیزی سے توسیع کو برقرار رکھے ہوئے ہے۔ جنوری سے فروری تک، کل درآمدی رسد کا حجم 2.9 ٹریلین یوآن تک جا پہنچا ہے جو گزشتہ سال کی اسی مدت کے مقابلے میں 8.7 فیصد زیادہ ہے۔