آئیسکو کا پبلک سے ڈیرھ ارب روپے کی سرمایہ کاری کروانے کا فیصلہ

کراچی(اسد ابن حسن) اسلام آباد الیکٹرک سپلائی کمپنی (آئیسکو) نے بینکوں کے ذریعے عوام سے ادارے میں ڈیرھ ارب روپے کی سرمایہ کاری کرنے کا فیصلہ کیا ہے۔ ادارے نے بینکوں کو مراسلے تحریر کیے ہیں کہ ادارہ بجلی کے ترسیلی نظام میں بہتری لانے کے لیے 1446ملین روپے کے ٹرم ڈیپازٹ ریسیپٹ (TDR ) بینکوں کے ذریعے ایک برس کی مدت کے لیے فروخت کرنے کا ارادہ رکھتا ہے۔ ٰلہٰذا بینک ان ٹی ڈی آر کی فروخت کے لیے مروجہ منافع کے بجائے خصوصی منافع کی پیشکش کریں۔ ادارے کے متعلق یہ تحریر کیا گیا ہے کہ اس کا ڈسٹری بیوشن نیٹ ورک انڈس دریا سے آزاد جموں کشمیر کے نیلم دریا تک پھیلا ہوا ہے اور اس کے 35لاکھ صارفین ہیں۔