ٹورنٹو میں پکڑی جانے والی پی آ ٓئی اے ایئرہوسٹس معطل

اسلام آباد،لاہور( حنیف خالد/زاہد علی خان)پی آئی اے کی ایئر ہوسٹس کو ممنوعہ اشیا کی موجودگی پر ٹورنٹو ایئر پورٹ پر گرفتار کیا گیا ۔حنا ثانی نامی پی آئی اے کی ایئرہوسٹس پرواز پی کے 789پر تعینات بحیثیت فضائی میزبان لاہور سے ٹورنٹو پہنچی تھی۔ فضائی میزبان کو کافی دیر تک پوچھ گچھ کے بعد کسٹم حکام نے پی آئی اے کے حوالے کیا انہیں معطل کردیا گیا ہے۔ ترجمان پی آئی اے کے مطابق حنا ثانی کو واپسی کی پرواز پی کے 798پر بطور میزبان تعینات نہیں کیا گیا۔ انہیں فضائی ڈسپلن قوانین کی خلاف ورزی کے تحت معطل کر کے ملزمہ کی حیثیت سے واپس کیا۔ حنا ثانی کیخلاف محکمانہ کارروائی عمل میں لائی جائے گی۔