روسی سفیر کی ملاقات ،شہبازشریف کی روسی صدر کودورہ پاکستان کی دعوت

اسلام آباد( نیوز رپورٹر) وزیراعظم نے کہا ہے کہ روس کے ساتھ متعدد شعبوں بالخصوص توانائی، تجارت اور سرمایہ کاری میں دوطرفہ تعاون کو بڑھانا چاہتے ہیں ، انہوں نے یہ بات گذشتہ روز روس کے سفیر البرٹ پی خوریف سے ملاقات کے دوران کہی ۔ وزیراعظم نے ماسکو کے باہر کروکس سٹی ہال حملے میں قیمتی جانوں کے ضیاع پر گہرے دکھ کا اظہار کرتے ہوئے کہا کہ پاکستان دکھ کی اس گھڑی میں روس کیساتھ یکجہتی کے ساتھ کھڑا ہے، وزیراعظم نے صدر پیوٹن کو جلد از جلد پاکستان کا سرکاری دورہ کرنے کی دعوت کا اعادہ کیا،سفیر نے وزیراعظم کو یقین دلایا کہ روس پاکستان کے ساتھ مضبوط تعلقات استوار کرنا چاہتا ہے۔ انہوں نے کہا کہ توانائی، تجارت اور سرمایہ کاری کے علاوہ روس تعلیم اور ثقافت میں بھی تعاون بڑھانے کا خواہاں ہے۔