سینیٹ الیکشن پرپیپلزپارٹی سےمعاملات طے پاگئے،طاہرخلیل سندھو

لاہور(خصوصی نمائندہ،اپنے نامہ نگار سے) صوبائی وزیر انسانی حقوق و پارلیمانی امور طاہر خلیل سندھو نے کہا ہے کہ کاش ججز اس وقت بولتے جب جسٹس شوکت صدیقی کا معاملہ ہوا تھا،سینیٹ الیکشن کے حوالے سے پیپلزپارٹی سے معاملات طے پا گئے ہیں، خواتین کی دونوں سیٹوں پر ہماری امیدوار جیتیںگی۔میڈیا سے گفتگو کرتے ہوئے انہوں نے کہا کہ ضمنی بجٹ میں کوئی بے ضابطگی نہیں ہوئی ،اپوزیشن ضمنی بجٹ کا کوئی آڈٹ کروانا چاہتی ہے تو کروا لے۔انہوں نے مزید کہا کہ خواتین کی دونوں سیٹوں پر ہماری امیدوار جتیں گی، پیپلز پارٹی کی امیدوار فائزہ ملک کو ریٹائرڈ تصور کیا جائے۔