پولیس فائرنگ سے زخمی ہونیوالانوجوان دم توڑگیا،اہلخانہ کااحتجاج

لاہور(کرائم رپورٹرسے) اسلام پورہ کے علاقے میں6روز قبل پولیس اہلکاروں کی فائرنگ کی زد میں آکر زخمی ہونے والانوجوان ہسپتال میں دم توڑ گیا ہے۔ واقعہ کا مقدمہ پولیس کانسٹیبل جمشید اور رضوان کے خلاف درج ہے۔ 25 مارچ کو 22سالہ سلمان گھر کے باہر کھڑا تھا کہ اہلکاروں نے نامعلوم ملزم کی گرفتاری کیلئے فائرنگ کی جو گولی سلمان کو سیدھی سینے پر آ لگی ۔ متوفی کی ہلاکت پر اہلخانہ نے شدید احتجاج کیا اورمیو ہسپتال میں توڑ پھوڑ کی۔لواحقین سلمان کی لاش بغیر پوسٹ مارٹم کے گھر لے جانا چاہتے تھے جبکہ پولیس اس کا پوسٹ مارٹم کرانا چاہتی تھی۔جس پولیس اور لواحقین کے درمیان شدید جھگڑا ہوا۔گوالمنڈی سمیت دیگر تھانوں کی پولیس جائے وقوعہ پر پہنچ گئی۔لواحقین نے کہاکہ۔ہمارے بیٹے کو پولیس نے گولی مار کر ناحق قتل کیا ہے۔لواحقین کا کہنا ہے کہ پولیس جرائم تو روک نہیں سکی اور ان کی گولیوں کا نشانہ عام شہری بن رہے پولیس ترجمان کا کہنا ہے کہ اس واقعہ کا مقدمہ درج ہو چکا ہے جس کے بعد قانونی کارروائی شروع کردی گئی ہے۔