اسحاق ڈار سینیٹ کے پہلے اجلاس کیلئے پریزائیڈنگ افسر مقرر

03 اپریل ، 2024

اسلام آباد(صباح نیوز)صدر مملکت آصف علی زرداری نے وزیر اعظم شہباز شریف کی تجویز پر وفاقی وزیر خارجہ اسحاق ڈار کو سینیٹ کے پہلے اجلاس کے لیے پریزائیڈنگ افسر مقرر کردیا۔ صدر مملکت نے اسحاق ڈار کو پریزائیڈنگ افسر مقرر کرنے کی سمری پر دستخط کردئیے ہیں۔ وزارت پارلیمانی امور کی جانب سے جاری اعلامیے میں بتایا گیا ہے کہ سینیٹ کے پہلے اجلاس میں نو منتخب سینیٹرز حلف اٹھائیں گے، الیکشن کمیشن نے سینیٹ کی خالی 6 نشستوں پر 14 مارچ کو انتخابات منعقد کیے تھے۔