روس کا طالبان کو دہشتگرد تنظیموں کی فہرست سے خارج کرنے پر غور

ماسکو(آئی این پی)روسی وزارت خارجہ طالبان کو دہشتگرد تنظیموں کی فہرست سے خارج کرنے کا سوچ رہی ہے ، عالمی میڈیا کے مطابق اس بارے میں امور انصاف و خارجہ مشترکہ طور پر کام کر رہے ہیں لیکن حتمی فیصلہ حکومت کو کرنا ہوگا۔اس دوران روسی صدر ولا دیمیر پیوٹن کے افغانستان کے خصوصی نمائندہ زامر کوبولوف نے روس میں منعقد ہونے والے 15ویں روس۔عالم اسلام کے کازان شہر فورم میں طالبان کو بھی مدعو کیا ہے ۔روس اور عالم اسلام کے درمیان اقتصادی تعاون میں فروغ کے لیے منعقد ہونے والا کازان فورم 14تا 19مئی کے درمیان روس کی نیم خود مختار ریاست جمہوریہ تاتارستان کے صدر مقام کازان میں ہوگا۔کابولوف نے کہا کہ روس اور افغان طالبان حکومت انسداد دہشتگردی میں تعاون کے موضوع پر مشاورت کر رہے ہیں۔