4روز گزر گئے ؛ آئی جی پولیس اسلام آ باد علی ناصر رضوی نے جوائننگ نہیں دی

اسلام آ باد (رانا غلام قادر ) آئی جی پولیس اسلام آ باد سید علی ناصر رضوی نے چار دن گزرنے کے باوجود اپنے عہدے کا چارج نہیں لیا۔ پنجاب حکومت نے انہیں ریلیو کرنے سے انکار کردیا ہے ۔ ذ رائع کے مطابق آئی جی پولیس کیلئے بلوچستان میں تعینات سرفراز احمد فلکی ‘ آر پی او گو جرا نوالہ رانا ایاز سلیم اور آر پی او راولپنڈی با بر سر فراز الپا کے نام زیر غور ہیں اسٹیبلشمنٹ ڈویژن نے 29مارچ کو ان کی بطو رآئی جی پولیس اسلام آ باد تعیناتی کا نو ٹیفیکیشن جاری کیا تھا۔وہ اس وقت ڈی آئی جی اپریشنز لا ہور کے عہدے پر تعینات ہیں۔سٹیبلشمنٹ ڈویژن کے ذ رائع نے بتایا کہ سید علی نا صر رضوی کی جانب سے جوائننگ نہ دینے کی وجہ سے اب نیا پینل وفاقی کابینہ کو بھیجا جا ئے گا۔ذ رائع کے مطابق سرفراز احمد فلکی کی تعیناتی کے قوی امکانات ہیں کیونکہ وہ اس سے قبل ڈی آئی جی ہیڈ کوارٹرز اور ڈی اائی جی سیف سٹی اسلام آ باد کے عہدوں پر کام کرچکے ہیں۔