حب، زائرین سے بھراٹرک کھائی میں جاگرا، 18 جاں بحق،متعدد زخمی

اسلام آباد /کراچی/ کوئٹہ/حب ( آن لائن )عید کی شام درگاہ شاہ نورانی جانے والا زائرین سے بھرا ٹرک کھائی میں گرگیا، حادثے میں ایک ہی خاندان کے 12افراد سمیت18افراد جاں بحق اور50سے زائد زخمی ہوگئے ،حادثے میں جاں بحق ہونے والوں کی آبائی علاقوں میں تدفین کر دی گئی ، وزیرِ اعلیٰ بلوچستان سرفراز بگٹی ، وزیر اعلی سندھ مراد علی شاہ اور وزیر داخلہ محسن نقوینے سوگوار خاندانوں کے ساتھ تعزیت کا اظہار کیا ہے،تفصیل کے مطابقزائرین کا تعلق سندھ کے شہر ٹھٹھہ سے تھا جو شاہ نورانی کے مزار پر حاضری کے لیے جا رہے تھے ، گاڑی مکلی سے عید کے دن دو بجے دوپہر نکلی اور آٹھ بجے حادثے کا شکار ہو گئی،حادثے میں جاں بحق ہونے والوں میں ایک ہی خاندان کے 12مرد شامل تھے۔