وزیر خزانہ محمد اورنگزیب آج وفدکے ہمراہ واشنگٹن روانہ ہوں گے

اسلام آباد (ایجنسیاں) وزیر خزانہ محمد اورنگزیب آج وفدکے ہمراہ ایک ہفتے کے دورے پر واشنگٹن روانہ ہوں گے ، آئی ایم ایف کی ایم ڈی کرسٹالینا جارجیوا کے علاوہ امریکی نائب وزیرڈیوڈ لو اور ڈپٹی سیکریٹری خزانہ سے بھی ملاقات کریں گے۔ذرائع کے مطابق وزیر خزانہ کا دورہ 13 سے 21 اپریل تک ہو گا‘پاکستان آئی ایم ایف سے قرضے کیلئے مشن بھیجنے کی بھی درخواست کریگا۔ علاوہ ازیںایشیائی ترقیاتی بینک نے سالانہ رپورٹ 2024ءجاری کرتے ہوئے کہا ہے کہ ملک میں مہنگائی میں آئندہ مالی سال کمی آنے کی امید ہے، مہنگائی کی شرح 15 فیصد تک آجائے گی‘پاکستان کی آئندہ مالی سال کی شرح نمو 2.8 فیصد ہونے کا اندازہ ہے ۔اے ڈی بی کی رپورٹ کے مطابق پاکستان میں اصلاحات پر عملدرآمد کیا گیا تو معاشی بحالی کا عمل اس سال سے شروع ہو جائے گا۔ اے ڈی بی رپورٹ میں پاکستان کی شرح نمو رواں مالی سال 1.9 فیصد رہنے کی پیشگوئی کی گئی ہے جبکہ سیاسی عدم استحکام کو معاشی بحالی اور اصلاحات کیلئے اہم چیلنج قرار دیا گیا ہے۔