سندھ ہائیکورٹ کے 6ایڈیشنل ججز مستقل، نوٹیفکیشن جاری

اسلام آباد،کراچی(خبر نگار، نمائندہ جنگ)سندھ ہائیکورٹ کے 6ایڈیشنل ججز کو مستقل کر دیا گیا۔ صدر مملکت نے منظوری دیدی جس کے بعد وزارت قانون و انصاف نے نوٹیفیکیشن جاری کر دیا۔ مستقل ہونیوالے ججز میں جسٹس امجد علی بویو ، جسٹس ثنا اکرم منہاس ، جسٹس جواد اکبر سروانہ ، جسٹس خادم حسین سومرو ، جسٹس محمد عبدالرحمن اور جسٹس ارباب علی ہیکرو شامل ہیں۔ حلف برداری کی تقریب آج سندھ ہائی کورٹ میں منعقد ہوگی۔ عدالت عالیہ میں ججز کی تعداد 32 ہوگئی ، مطلوبہ تعداد میں اس وقت بھی ججز کی 8 اسامیاں خالی ہیں۔ مستقل ہونے والے ججز آج صبح چیف جسٹس عقیل احمد عباسی کے ہاتھوں اپنے عہدوں کا حلف اٹھائیں گے۔