اسلام آباد (نامہ نگار خصوصی) جمعیت علمائے اسلام (ف) کے سربراہ مولانا فضل الرحمٰن نے حماس رہنما اسماعیل ہنیہ کے3بیٹوں اور3پوتوں کی اسرائیلی حملے میں شہادت پر شدید الفاظ میں مذمت کرتے ہوئے انہیں تعزیتی خط ارسال کیا۔ جس میں انہوں نے کہا کہ اسماعیل ہنیہ کے بیٹوں اور پوتوں کو شہید کرنا اسرائیل کی ناکامی کا اعتراف ہے۔ مولانا فضل الرحمٰن نے اسماعیل ہنیہ کے نام بھیجے گئے خط میں اپنی اور جے یو آئی کی جانب سے بیٹوں اور پوتوں کی شہادت پر تعزیت کرتے ہوئے لواحقین کے لئے صبر جمیل اور شہدا کی مغفرت کے لئے دعا بھی کی۔